Meg

Kven er du, einsame venn? Sett deg på trappa i staden for å leike med dei andre barna. Orkar ikkje å feste med dei andre barna. Går når det ikkje er kjekt lenger.

Kven er du, livlege skatt? Ser berre mogelegheiter. Kastar deg rundt, hoppar opp og ned. Er supermodig. Ser lyset i alle. Kan få til ein god samtale med kven som helst. Ler deg skakk, ristar på hovudet og synast menneske tek livet så altfor alvorleg. Lyser av lykke. Kven er du?

Kven er du, engstelege dronning? Fell saman av eit fjærpust. Sit ved kjøkkenbordet og knugar om sjelvande hender og ei kraft du veit eksisterer. Det er den du ser etter i all tåka. Den forferdeleg tjukke tåka. Kan livet verkeleg vere så skummelt? 

Kven er du? Når alt kjem til alt. Er du ein annan då? Kan eg få møte den personen? Du er meir enn desse delane. Du er noko meir. Du har førebels berre sett glimt. I deg sjølv og andre. Vi har det i oss, alle saman. Vent og sjå. 

Ingen kommentarer

Skriv en ny kommentar

hits